【哈里王子大婚】Meghan Markle 14歲初吻 主動出擊咀男友

撰文:
最後更新日期:

英國哈里王子與美國女演員Meghan Markle大婚在即,大家都對這位準新娘的背景十分好奇,尤其想知更多她過去的感情生活,最近一名自稱是Meghan舊愛的男子,上節目分享他跟Meghan的一段Puppy Love,仲大爆女方當年只有14歲但已相當積極,主動獻吻奪去他的First Kiss。

Meghan Markle因跟隨父親(左)返教會,而認識了初戀男友。(網上圖片)

現年37歲的Joshua Silverstein是一名演員、導演兼專業Beatbox藝人,日前他接受英國電視台Channel 4特備節目《Meet The Markles》訪問,睇個節目名就知專為爆準王妃料而設。Joshua表示年少時曾與Meghan及雙方父母參加一同教會,兩家人都在洛杉磯居住,可謂青梅竹馬,有年暑假教會舉辦的夏令營,Joshua與Meghan一同參加,密集相處令二人很快就擦出愛火,「Meghan Markle同我一齊在洛杉磯參加夏令營,大約1994年左右,我同Meghan都好鍾意睇舞台劇,雙方父母亦認識,佢哋覺得我同Meghan都應該去呢個Camp。」

Joshua Silverstein在演藝界都薄有名氣。(官方網站圖片)

哈里王子與Meghan大婚在即。(Getty Images)

就這樣令一段Puppy Love萌芽,主持人打蛇隨棍上,問Joshua的初吻幾時發生,他說話:「我記得應該喺會場大堂,夏令營結束當日,佢直接行埋唻,主動將嘴唇貼向我,(指住嘴唇)就係呢度。」Joshua話雖然不是伸脷濕吻,是一個輕輕的長吻,覺竟享唔享受呢?他就這樣答:「幾好,我覺由一個37歲嘅男人去講一個14歲嘅女仔錫人有幾叻,係有少少奇怪,但係正嘅。」

Joshua Silverstein現已婚,與太太及兩名子女有個幸福家庭。(網上圖片)

不過這段戀情隨著夏天一起結束,之後兩家人都沒有再見面,Joshua仲話係Meghan先提出分手:「肯肯定係一句:『喂,我哋唔再係拍拖啦』」,相當直截了當。其實同一件事,Meghan在2013年接受名嘴Larry King訪問時都有提過,但無提到自己做主動,包括主動獻吻同主動提出分手,但Josha就記得一清二楚,仲話:「我知道我係佢初吻對象,佢係一個又Nice又Sweet嘅女仔。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。