【宮心計2深宮計】梅小青強調無刪減周秀娜戲份:一句都無cut過

撰文:張嘉敏
出版:更新:
梅小青話絕無刪減娜姐啲戲,連一句對白都無cut過。(陳順禎攝)

無綫重頭劇《宮心計2深宮計》即將播映,劇中一眾演員亦開始進行連串的宣傳,不過有份於劇中飾演主要角色的周秀娜,就因為所屬的蕭定一公司與TVB有官司糾紛而遭到封殺,會缺席該劇所有的宣傳活動,就連官方的海報和Trailer亦不見她的縱影。身為該劇總監製的梅小青就強調劇集出街時,並沒有刪減娜姐的戲份,她說:「娜姐喺第18集先出場,佢演得十分好,我哋無cut過佢一句對白,無cut過佢任何一場戲。由於公司方面有啲事要處理,佢喺呢套劇嘅宣傳方面係會受到影響,但係佢都會喺其他平台宣傳套劇。」她又大讚娜姐說:「我哋拍得好開心,佢好乖,個人又好好,希望公司快啲解決件事,等我可以有機會再同佢合作啦。」

劇中一班演員穿上古裝上陣。(陳順禎攝)
+9

對於套劇就快出街,小青姐期待之餘亦好唔捨得,她說:「十分之唔捨得,今次係一班演員最後一次着呢套古裝上陣,好大感觸,啲回憶返晒嚟。之前佢哋着住套戲服要背好多對白,好大壓力好辛苦,拍攝呢套劇時已經係差唔多一年前嘅事,嗰段日子大家係一齊共度時艱,好難忘。」

佢哋個個都話着住呢套戲服好有感覺。(陳順禎攝)