【飛虎之潛行極戰】黃宗澤吳卓羲救樂壇 新歌洗腦過《最後祝福》

撰文:關穎賢
出版:更新:
能共你hole hole地相處~

黃宗澤唱歌好聽就唔使多講,佢首《最後祝福》直頭唱到街之巷聞,連歌神陳奕迅都要同澤囝合唱《K歌之王》。相隔5年,澤囝再推出新歌拯救樂壇,今次仲同舊拍檔吳卓羲以raw爆嘅唱腔合唱《飛虎之潛行極戰》嘅片尾曲《雖然這個世界》,好多網民聽完都話極度洗腦,仲搞笑話終於都唔使再loop《最後祝福》!

雖然...

至於點解會咁洗腦,原因係副歌部分不停重複「雖然…」,加上喺劇集嘅播放期間都會播出呢首歌,連唔識啲歌詞都會識哼呢首歌,洗腦程度拍得住《越難越愛》。就連無綫嘅「See See TVB」Facebook專頁將第一集「高Sir」吳岱融就職典禮嘅片段重新配音,片段入面連吳岱融都唱埋一份,呢段片立即被網民瘋傳。雖然…首歌真係好洗腦,但亦都有看透世事嘅網民就留言叫澤囝同卓羲都係專心做戲好啲。