敖嘉年北漂打拼靠自已 拍《葉問4》大開眼界：所有嘢安排得好好
撰文：鄺鈺瑩
出版：更新：
敖嘉年與太太低調開廣告公司，他透露老婆比自己更忙「佢飛咗加拿大成半個月，搞到隻貓要交比妹妹照顧。（係未好耐無見老婆？）係呀，不過佢之前會上嚟探班。」（資料圖片）
近年唔少大台的忠堅份子都選擇北上發展，曾以劇集《巾幗梟雄之義海豪情》「排骨仔」一角獲得觀眾關注的敖嘉年，雖然keep住有劇開，甚至亦在《新抱喜相逢》擔正做男一，但他去年完約後選擇了往外闖，先同陳國坤合作電影《鐵拳道一個拳手的故事》再挑戰埋舞台劇，然後一個華麗轉身，敖嘉年已在上海同宇宙最強甄子丹拍攝《葉問4》！
為免劇透，所以敖嘉年只能透露自己有份參與《葉問4》。（網上圖片）
《葉問4》繼續由葉偉信執導，敖嘉年之前在微博上載二人合照。（網上圖片）
其實敖嘉年曾在《葉問2》飾演葉問在香港的好友--梁根，但戲份唔算多，不過今次再做同一角色，他接受訪問時就透露基乎由頭帶到尾。「今次角色要講英文，所以要花多少少時間準備，預計要拍到7月左右。」至於動作戲方面，敖嘉連就笑言交番比甄子丹。咁片酬方面呢？「very good！好滿意」再加上一陣陣輕快的笑聲，就知道真係好滿意啦。
雖然在戲中不用打，但敖嘉年在上海一有時間就會去跑步以保持最佳狀態。（網上圖片）
敖嘉年透露在內地的工作多數由自己洽談，但為怕被編，所以接job時都十分謹慎，問到是否已適應內地的工作環境，敖嘉年就以「大開眼界」去形容。「製作同設施已經好完善，基本上我自己帶個人去開工就可以，所有嘢都安排得好好。」雖然外面的世界很精彩，但敖嘉年就認為自己唔係走得太遲，並指自己當初只是有感需要往外闖。「我10月都會返去拍劇，公司抱開放態度，等大家可以試多少少嘢。」