【逆緣】黎耀祥李思捷邊個做「老豆」好? 童星羅梓龍:梗係思捷

撰文:
最後更新日期:

大部分人一生之中都只會有一個「老豆」。當然,除了那些契爺、外父、甚至後父之外,還有少部分人一生中可能會4個,5個甚至10個「老豆」,説的是在《逆緣》中飾演賀永年(黎耀祥飾)以及2016年《超能老豆》谷自強(李思捷飾)的15歲童星羅梓龍(飾演賀家誠 / 燒腩仔)。

羅梓龍喺《逆緣》入面做黎耀祥個囝。(陳順禎攝)

羅梓龍均飾演過2位好戲之人的「囝囝」,但係「2選1」的話,佢會點揀呢?日前(5月17日)羅梓龍出席《逆緣》的大結局飯聚時,羅梓龍小朋友就說:「冇得咁樣比較㗎喎,不過《逆緣》對嘅時間冇《超能老豆》嗰套咁長,如果咁計嘅話就梗係李思捷啦。」

黎耀祥同李思捷,羅梓龍揀咗李思捷,點解呢?(陳順禎攝)

羅梓龍續説:「如果再拍嘅話,我都想李思捷做我老豆。因為佢好孝順,對屋企人好好啦,對我又好。(點好法?)佢呢3年嚟都keep住會帶我去行下街睇戲,差唔多隔1,2個星期就會去一次。(睇咗咩戲?)好多喎,最近睇咗《Avengers Infinite War》、《銀河守護隊》、《雷神》,仲有好多㗎。」說到行街,羅梓龍說有一次在金鐘逛街時,李思捷更與他一起買了同款不同色的銀包。「原本我諗住買嘅,跟住佢唔俾我俾錢,仲搶咗我銀包,後尾我哋就一人一個。」

李思捷除咗同羅梓龍父子之外,原來仲會愛屋及烏。羅梓龍表示閒時逛街之後,李思捷更會與羅梓龍的家人一起吃飯,而這3年來,李思捷與羅梓龍的父親及其他朋友更會有一個「Men Trip」旅遊。羅梓龍:「佢哋去越南玩。」至於《逆緣》中羅梓龍的「老豆」黎耀祥,羅梓龍就表示黎耀祥對他很好,又很風趣幽默。

原來李思捷周不時都會約羅梓龍去玩,唔怪得啦。(陳順禎攝)

+11
+10
+9


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。