【牛下女高音】吳岱融終於可以演好人:即係做返自己就得

撰文:
最後更新日期:

吳岱融今次唔使演奸角喇。(林迅景攝)

吳岱融出席出席無綫新劇《牛下女高音》(暫名) 造型暨拜神活動,他一出場自我介紹角色時即開心地表示:「我今次終於唔使做衰人,可以做好人喇。」問到他做好人開心嗎?他說:「即係做返自己。我個角色係一個小男人,好為家庭,好為朋友,心地好好,患有癌症仲要係有乳癌,講我點面對生活,我要幫king sir (鍾景輝)搵返合唱團嘅成員。」那麼他在現實生活中又是否如戲中一樣是小男人呢?他說:「可以係小男人,同老婆有商有量,我哋各有自己擅長嘅範疇,都會有大男人一面,希望照顧屋企,為屋企出頭。」

提到他再續約無綫,是否已經成為「親生仔」,他說:「上年係續咗新約,續咗6年,其實我係簽咗畀邵氏樂小姐 (樂易玲) 佢哋做經理人,但唔係TVB嘅經理人合約,我同TVB係部頭約,可以接出面嘅job。」他又笑言6年後他都60幾歲了。除了拍無綫新劇,他今年亦會拍攝網劇包括《天幕危機》以及《反黑2》,忙個不停。至於老婆鍾淑慧可會返TVB拍劇,他說:「有好角色佢都唔mind嘅,可以考慮,但佢想陪屋企人多啲。」

佢哋喺劇中係合唱團兄弟嚟。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。