【飛虎之潛行極戰】片尾曲「雖然」太洗腦 吳卓羲：証明大家有睇
撰文：吳子生
出版：更新：
《飛虎之潛行極戰》劇中吳卓羲和黃宗澤飾演兩兄弟，片尾曲由兩位好兄弟合唱《雖然這個世界》，不過網民聽完就覺太多「雖然」，卓羲就有另外一個看法：「首先如果冇睇過部劇，你都去唔到片尾，聽唔到片尾曲啦，咁即係代表左你係睇哂先會聽到片尾曲，洗唔洗腦，係啲觀眾支持先會聽到啫。」
吳卓羲對香港市場仍然好有信心
《飛虎之潛行極戰》內地點擊已經去到27億！卓羲表示嚟近拍攝第二集有望喇，如果俾佢再唱主題曲，佢又會唔會再唱呢？卓羲坦言：「下一部戲要我唱，我一定唱，有份演出，有份唱，係會有共鳴嘅，高層之前有提議過，我地五個人（三哥，吳代融，張兆輝，黃宗澤）唱一啲勵志歌，咁一定唔係呢首歌雖然⋯雖然啦，如果五個人唱雖然，三哥一句雖然，代融哥一句雖然，張兆輝一句雖然，到我地兩個又雖然⋯⋯⋯咁我地就大件事啦！」雖然兩字，已經為觀眾及網民帶來共嗚！