【美女廚房‧多圖】孖妹似足99%! 余香凝親妹當美少女學徒 

撰文:
最後更新日期:

當年《美女廚房》出唔少靚女。(網上圖片)

《美女廚房》新一輯將會在6月份同大家見面,相信大家一定好期待到時候哪個女藝人會當選成為新一代《美女廚房》地獄廚神。不過喺大家期待邊位女星會上場煮食之餘,其實一眾「美少女學徒」的期待度都十分之高,更有不少係新面孔添,就例如余潔瀅(Zoe Yu)。

大家覺得似唔似?(網上圖片)

呢個係家姐余香凝:

+12
+11
+10

睇個名,可能都估到余潔瀅(Zoe)同余香凝(Jennifer)有啲關係,睇埋個樣,真係似到十足。原來余潔瀅與余香凝是親生姊妹,2人年齡相差只有3年。現年21歳的余潔瀅(Zoe Yu)接受《香港01》訪問時説:「其實細個嗰陣都唔係好多人話我同家姐似樣,但越大就越多人話我哋似様。入行原因其實好大部分都係因為家姐,嗰陣見佢做model做咗幾年,拍下廣告、影平面相又拍下港台劇,就覺得好多嘗試、好好玩、好特別,每一個角色都係全新嘅,唔係平時嘅自己。因為我中學都有學drama,所以我都想入行睇吓有冇機會接觸到演戲有關嘅工作。」

Zoe入得廚房最叻煮雞翼

雖然呢,就冇人話過做《美女廚房》嘅「美少女學徒」一定要識煮飯,但原來余潔瀅除咗樣靚之外,煮飯都好叻。「拿手小菜就係煮雞翼,因為我好鍾意食雞翼,無論咩煮法我都鍾意,我最叻就係煮瑞士雞翼。平時我都有煮甜品例如心太軟,仲會整生日蛋糕畀朋友,仲識煮一啲普通嘅小炒,遲啲大家就會見到我教煮嘢食嘅片。」

余潔瀅同余香凝拍埋一齊,真係分唔出。(網上圖片)

大家都知姐姐余香凝現時與陳家樂拍拖,處於「封盤」狀態,但係唔緊要!因為妹妹余潔瀅仲係單身。余潔瀅(Zoe)說:「我而家仲係單身嘅,我鍾意嘅男仔就一定要高過我,同埋雙眼皮,一個好陽光嘅笑容,講嘢幽默但係思想要成熟嘅,仲要做運動嘅。(鍾意邊個男明星?)李治廷,因為我中學嘅時候就已經好鍾意佢。」

仲有好多余潔瀅嘅靚相。(網上圖片)

呢個先係細妹余潔瀅:

+18
+17
+16


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。