【哈里王子大婚】碧咸終於有對手！ 喬治小王子首穿長褲萌爆現身
撰文：關穎賢
出版：更新：
英國哈里王子﹝Prince Harry﹞同美國女星梅根馬克爾﹝Meghan Markle﹞大婚成為全球盛事，但焦點卻落在盛裝打扮嘅「萬人迷」碧咸﹝David Beckham﹞身上，大批網民都大讚碧咸著到好似國王一樣咁有型優雅！但現場仲有另一位，能夠同碧咸有得揮，佢就係喬治小王子﹝Prince George﹞！
喬治小王子首次喺公開場合穿長褲。（路透社）
碧咸成為婚禮上的焦點。（Getty Images）
但每次喬治小王子出席公開場合嘅可愛造型照都會引起全球瘋傳，不過相信大家都會留意到小王子現身都只會穿短褲，不過出席哈里王子婚禮就打破傳統首次穿上長褲，至於原因係咩，綜觀外國傳媒都冇具體解釋，可能係為咗尊重場合。
喬治小王子一回眸就溶化所有人嘅心。（美聯社）
（路透社）
穿短褲係英式作風
原來按照上流社會及皇室，有個不明文規定小男孩都要著短褲，如果唔按照呢個規定，會被視為「老土」。英國禮儀專家William Hanson較早前接受外國傳媒訪問時，曾表示：「小男孩穿上短褲是非常『英式』的作風，長褲就是大男孩及男人穿的，而小男孩穿短褲就是一個無形的階級標籤。」所以每個喺皇室大嘅小男孩都會穿短褲，就好似威廉王子8歲前都只會穿上短褲一樣，William Hanson亦表示呢個傳統係來自16世紀嘅古老傳統。
（路透社）