【開心速遞】阮政峰原來激似草泥馬　蘇韻姿由頭到腳似馬騮

不時都會出現藝人同其他人、卡通人物又或是動物出現撞樣的情況，有時兩者相似的程度真係好似倒模出來咁樣。無綫處境劇《愛‧回家之開心速遞》今日就上映一場特別場，名為「開心速遞動物園」，內容就是講下劇中有那些人物同動物撞晒樣，將他們幾個放埋一齊，個畫面似十足去了動物園咁㗎。

在劇中飾演池子孝的阮政峰、飾演金城安的周嘉洛、飾演博士的馬貫東、飾演熊心如的蘇韻姿以及飾演譚育英的林凱恩，他們私底下非常老友，除了得閒會約食飯聚會之外，當然都開了個聊天group傾偈啦。最近他們就發現了原來大家都分別同某些動物好似樣，仲將原本個樣同撞樣的動物製成對比圖，惡搞自己的老友，好搞笑。而作為好朋友就梗係唔會介意啦。阮政峰同草泥馬好似兩兄弟，眼神同咀仔都勁似，嘉洛同樹熊都似8成，馬貫東同水瀨的相似度亦唔弱，蘇韻姿同馬騮唔止撞樣，仲連神態舉止都好似馬騮上身咁，林凱恩就似卡通咪走雞，好趣致。