【哈里王子大婚】讀唇專家解讀悄悄話 威廉王子：我條褲好緊！
撰文：關穎賢
出版：更新：
究竟兩兄弟講咩講到咁開心呢？(視覺中國)
哈里王子(Prince Harry)與梅根馬克爾(Meghan Markle)於上周六(5月19日)完婚，雖然婚禮已經圓滿落幕，但大婚當日的周邊新聞仍充滿話題性，亦有大批網民將婚禮當日弄成Meme圖瘋傳。在整個直播期間，有好多時都唔知皇室人員講緊咩，所以英國《電訊報》同《鏡報》就搵到讀唇專家去研究各人之間搞笑的對話。
其實咁睇都唔係好緊啫。(視覺中國)
當新郎哈里王子同身為伴郎嘅哥哥威廉王子到達教堂外，一齊步入步教堂期間，見兩人有講有笑，仲笑到見牙唔見眼，令大家好想知道究竟兩兄弟討論緊啲咩呢？讀唇專家就表示，原來威廉王子同哈里王子講：「我條褲太緊！」唔知道係咪威廉王子發咗福呢？
+1
之後入到教堂等候新娘梅根嘅時候，威廉王子對住哈里王子陰陰嘴笑，然後話：「到你上場啦，細佬，我哋係咪要企起身？」已婚嘅威廉王子好似對婚禮嘅程序一頭無緒咁，都好似兩兄弟去畢業舞會不知所措咁。而哈里王子就笑住回應：「終於嚟喇，等到頭髮都白晒。」
細佬，我哋係咪要企起身？(視覺中國)
但當日嘅金句係來自可愛嘅「事頭婆」英女皇，話說英女皇同老公菲臘親王乘車到達婚禮嘅時候不斷同民眾及傳媒揮手，但唔知道係咪菲臘親王年事已高，揮手揮到攰而停晒手，英女皇喺呢個時候就話：「繼續揮手，唔好停！」其實揮手揮得耐都幾攰嘅……
繼續揮手，唔好停！(視覺中國)
+1