【宅男好唏噓】蒼井空閃婚五個月　吉澤明步麻美由真搞Party慶祝

34歲嘅蒼井老師之前元旦宣佈同43歲老公DJ NON閃婚後，一直過住幸福甜蜜嘅新婚生活。雖然佢已經冇再拍AV，但仍然同一班同期姊妹好好感情，最近一班女仔就為咗慶祝蒼井老師升呢做人妻而搞咗Party，AV女優組合惠比壽麝香葡萄嘅初代隊友都嚟齊哂，包括吉澤明步、麻美由真、Mihiro（朝美惠香）、西野翔、希崎Jessica及希志愛野，有啲就同蒼井老師一樣冇再拍AV，有啲就繼續有作品出街。蒼井老師喺社交網站Po文貼相，話自己本身其實只係約咗希志愛野同麻美由真食個Lunch咁，點知入一到房仔就見到其他好友喺度，非常驚喜。就咁睇到蒼井老師笑得咁開心都知成件事幾咁Sweet幾咁有姊妹情，不過一班宅男就愈睇愈唏噓，因為佢哋有幾多已經冇喺夜深人靜陪伴佢哋。