【深宮計】劉心悠素顏樣仍依然咁靚 迪麗熱巴絕對係一等一美靚女
撰文：蘇國豪
出版：更新：
講到靚女就自然多人討論，就好似近日TVB黃金時段，同步播出最新兩套劇集《烈火如歌》（19:00播映）同《宮心計2之深宮計》（20:30播映）咁，因為劇集中蘊藏咗唔少靚女受到廣大討論，不過「靚女何其多」最吸引大家的就非劉心悠同迪麗熱巴莫屬，二人的美貌絕對不相伯仲各有優勢。不過講到是「靚女中的靚女」等級的話，論素顏來講心悠BB則可能唔夠熱巴鬥，皆因熱巴素顏靚就出晒名，天生自帶仙氣「零死角美女」之稱絕對唔係浪得虛名。
劉心悠﹑迪麗熱巴都新劇在TVB播緊。（網上圖片）
有睇《烈火如歌》同《宮心計2之深宮計》的都知道，心悠BB同熱巴的古裝扮相非常出眾，前者深邃五官撐得起唐朝的髮髻，後者五官立體而且氣質出眾，能夠應付唔同朝代的服飾打扮，在這一方面二人同屬宜古宜今的容貌，十分難得。
在有化妝品的前提之下，二人皆屬美女等級，絕對勝負難分。不過以素顏來講或許熱巴略勝一籌，來自新疆的她天生五官深邃，而且擁有大大眼睛﹑高高鼻子，即時沒有化妝膚色仍然亮麗，天生就好似散發一種自然保護色似的，難怪早前被英國雜誌《I－MAGAZINE》選出是「亞洲最時尚臉孔」第一名。而心悠BB素顏樣雖然不比熱巴，不過比起好多女星已經非常好，她雖然膚色顯得比較黃，而且眼神亦略帶沒有妝前如此精神，不過都係靚女。
劉心悠素顏比較冇咁精神。（網上圖片）
熱巴素顏都好似化咗妝。（網上圖片）
或許好多人會覺得這樣比較是非常不公平，一個37歲一個 25歲就當然是青春無敵的熱巴贏。不過說話就唔係咁講，皆因平時的直接保養都好大關係，因為時下有一些少女的素顏比起年長的女性更差，膚色一啲都比不上「美魔女」。所以只可以話熱巴是贏在起跑線。
+1