【開心速遞】吳偉豪同楊秀惠演大膽水中調情戲　濕身咀嘴挑戰尺度

無綫處境劇《愛‧回家之開心速遞》已經播出了300多集，最近就加了一條新的感情線，就係朱凌凌 (吳偉豪飾) 同大學講師圓圓 (楊秀惠飾) 的發展喇。吳偉豪 (Ricco) 可以說是TVB目前最嫩口的小鮮肉，兼且顏值極高，真係迷倒好多觀眾同網民㗎。雖然一眾劇迷都希望金城安 (周嘉洛飾) 同朱凌凌呢對CP先至係真正的一對，不過當然只係大家一廂情願的想法啦。編劇安排了朱凌凌情迷圓圓呢條線，而今晚仲會有好激的劇情。

昨晚的預告片似乎已經講出今晚成集的亮點所在，就是Ricco與楊秀惠的一幕水中調情戲。預告片中連一句對白都沒有，但個畫面已經好豐富，劇情講兩人身於泳池的水入面，有楊秀惠的出水芙蓉look，又有Ricco赤裸上身騷肌的鏡頭。Ricco邊曬肌邊笑住咁走向楊秀惠，露出有酒窩的笑容，之後將個頭挨近對方，繼而一手按住楊秀惠個後尾枕靠向自己，再情深咀咀。嘩，唔少網民都話好期待今晚呢集，又估到底是否只是朱凌凌的ff情節，亦有人話覺得尺度對於呢個時段有些大膽。