【深宮計】得罪了化妝師搞到高低眉? 胡定欣:面部肌肉郁動

撰文:張嘉敏
出版:更新:
呢場戲都有高低眉。

無綫重頭劇《宮深計2深宮計》昨晚播出的第三集入面,最具話題性的並非劇中一眾演員怎樣大鬥演技,又或是勾心鬥角的劇情,而是胡定欣所飾演的王蓁的妝容,她的高低眉成了成集的焦點。昨晚胡定欣相當多戲份,幾乎每一節都有出場,無論邊個場口,定欣的兩邊眉都有出現高低差別的情況。其中她與馬國明兩人單獨對話的一場戲,高低眉更是特別明顯。另一場她吩咐近身侍婢的戲份,亦一樣清楚可以看見她有高低眉,就連TVB官方發放的劇照中也有這一幕,所以照片中的定欣也是高低眉的,唔通TVB覺得無問題?

呢場戲定欣嘅高低眉好明顯。

由於定欣今集keep住出現高低眉,實在太搶鏡,隨即引起網民熱烈的討論,有人甚至推斷定欣好有可能是得罪了該劇的化妝師,先會如此被對方整古。問題是定欣自己無照過鏡的嗎?她自己又有無看過play back?如果她有睇到呢集會有咩感覺?定欣今集咁明顯的高低眉,亦有可能是因為她演戲時面部表情太用力所致,因為面部肌肉郁動絕對會影響條眉。而睇返定欣自己於instagram post的相就無高低眉的問題,所以可以肯定她本身並非高低眉的。

當無咩表情時,定欣並無高低眉嘅情況。
定欣同馬明呢場戲嘅高低眉最明顯。
佢一做表情就會出現高低眉。

定欣接受電話訪問時,終於親自將謎底解開喇,她表示:「哈哈,我知道呀。其實同化妝無關,係我做表情嘅時候,眉頭嘅肌肉就會不其然摵起咗,所以唔係化妝化到高低眉,唔關化妝師事,係我嘅肌肉問題。其實一路以嚟我都會有時遇到呢個問題,因為做戲嘅表情令到眉頭嘅肌肉摵起咗,大家喺畫面度先會睇到我有呢個情況,平時正常咁睇我係無事嘅。

定欣話唔關化妝師事,原來係因為佢眉頭肌肉喺做表情時摵起咗。
+3