胡卓希自認拍拖對演戲有益 林家熙拍《蝕日風暴》獲益良多

撰文:
最後更新日期:

胡子彤、吳肇軒、林家熙同胡卓希齊齊亮相亞視《今晚見》的錄製現場,四位小鮮肉一來到就受到幾位「主持姐姐」的熱烈歡迎,一齊同小鮮肉拍照聊天。作為新人的林家熙(Loker)和胡卓希就坦言不擔心會被問一些尖銳的問題,反而是怕沒有問題,亦或是自己給不了一個好的答案。講到胡子彤自認是幾位中最有型的一個,那麼Loker和胡卓希又是怎麼樣形容自己呢?Loker就笑言自己是最green的一個,而身高最高的胡卓希因為留鬚,就稱自己是最man。

胡子彤、吳肇軒、林家熙同胡卓希亮相亞視,Loker自認是green的一個,而胡卓希就說自己最man同最高(陳順禎攝)

既然胡卓希這般高大靚仔,追女仔這件事應該都難不倒他啦。不過胡卓希就認為現在不是一個只看外表的社會,更重要是內在,自己曾經都因為女方父母反對而分手告終:「都冇辦法嘅,因為始終自己當時嘅條件……即係仲細啦,滿足唔到家長個期望,但呢個係我同個女孩子都解決唔到嘅困難,所以就會覺得慘啲囉。」但現時胡卓希就表示自己拍緊拖,不過好似幾位在場的兄弟就毫不知情,大家在現場都有些驚訝。胡卓希認為戀愛經歷會讓自己情感豐富,對演戲都有不少幫助,但就否認自己有著數:「即係你sweet得太耐,突然要演啲好哀傷嘅時候,你可能要多小小時間。」這樣的講法恐怕難以讓兄弟們「心服」喎。

胡卓希憶述情感往事,曾因女方父母反對而無奈分手(陳順禎攝)

另一方面,由張智霖、薛凱琪、王陽明、梁靖琪等主演的網劇《蝕日風暴》即將在6月播出,有份參演的Loker今次在劇中就飾演一個重案組的探員,同Fiona一齊查案。可以同這麼多位前輩合作,都是一次好好學習的機會,Loker都獲益良多,不過他亦坦言開頭都好大壓力:「因為第一次參加咁大嘅拍攝啦,又第一次同咁多位前輩合作,咁但係拍到中間嘅時候都有好多前輩提我嘢呀『放鬆啲,你連入嚟片場嘅第一刻都放鬆啲先,唔好咁緊張』。」有一班前輩傍住,所以去到中後期,Loker都說自己逐漸變得自然,慢慢同角色接軌,還越拍越舒服添,相信他在劇中的表現,都不會令大家失望啦。

Loker有份參演的網劇《蝕日風暴》將於6月推出,同一班前輩合作,Loker獲益良多(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。