【飛虎之潛行極戰】澤囝扮女人扮上癮 對住三哥扁嘴賣萌
撰文：關穎賢
出版：更新：
原來要變裝出去搵人幫手。
《飛虎之潛行極戰》今晚播出第9集，飾演O記警司聶宇航嘅苗僑偉(三哥)成功截獲情報箱，但係就被恐怖份子社團U384狙擊顧兼插贜嫁禍，被黑白兩道追殺。喺逃走嘅時候，三哥就同飾演飛虎隊成員嘅黃宗澤表明立場話要自己查清真相，最後澤囝就跟埋三哥走。當兩人商討緊下一步應該點做嘅時候，三哥就拎住件女裝外套，叫澤囝著起佢……
澤囝翹住三哥隻手，好sweet啊~
下一幕就見到化晒妝嘅澤囝著住件粉紅色外套戴住假髪，撓住三哥隻手行街。澤囝仲不時扁嘴賣萌，嗰張紅色嘴仔好誘人，原來澤囝扮起女人上嚟都幾有feel。講返劇情，到底點解要澤囝扮女人，就咁避開監視嘅話，好似三哥咁戴帽同著得低調啲都可以。究竟係要避開劇中最強勁嘅動態識別程式？係純粹想加插一個搞笑位落去畀澤囝「發揮」吓，定係澤囝扮女人扮到上咗癮呢？
澤囝做咩扁嘴啫~
其實喺澤囝嘅演藝生涯入面唔係第一次扮女人，佢喺劇集《我的野蠻奶奶》同電影《刑警兄弟》入面都扮過女人。唔知係澤囝都覺得自己扮女人好睇，早排佢喺Instagram post晒過往扮過女人嘅造型出嚟，仲問網民意見邊個look最正。睇嚟澤囝都幾enjoy扮女人！
+3