【飛虎之潛行極戰】吳卓羲「當差」13年 重溫「衝動羲」魯莽史

撰文:
最後更新日期:

《飛虎之潛行極戰》播咗兩星期,無綫遲遲未公布收視,但係坊間反應不俗,相信大家想睇吳岱融同苗僑偉有幾型、飛虎隊有幾多大隻仔,同埋邊個係臥底之外,仲應該對第N次做衝動派警察嘅「御用警察」吳卓羲幾時再衝動感興趣。

其實呢套劇出街前都有唔少網民都講過吳卓羲13年「警察生涯」入面做嘅角色全部都非常衝動,仲衝動到成件事畀佢搞彎晒,而家就同大家回顧衝動羲嘅衝動事跡啦!

卓羲又衰衝動喇...

「衝動羲」幾乎喺每套劇入面都會被上司訓示,甚至被處分。就好似今次嘅《飛虎》裡面,吳卓羲衝動單獨帶隊行事,令到疑犯有機會逃脫,之後就極衝動火爆咁想黃宗澤發脾氣,仲想郁手打澤囝,被迫轉做文職。唔單止咁,吳卓羲收到少少情報之後就衰衝動帶隊去救威廉仔,點知就中咗恐怖份子圈套,最後都救唔返威廉仔,更差啲炸死自己。其實我已經睇晒成套《飛虎》,吳卓羲嚟緊仲會有好多衝動事蹟,記得密切留意!不過羲哥都收到大家的意見,他接受《香港01》訪問,說:「都有問過導演,導演話唔通你想沉實啲咩,有少少衝動先會有啲效果去吸引觀眾。」不過羲哥演衝動角色係幾好睇,如果有日見佢演冷靜角色,我諗好多人都唔慣。

記唔記得UI 66336啊?(視覺中國)

吳卓羲喺2005年嘅《學警雄心》做學警UI 66336,當時佢仲喺警察訓練學校入面已經好衝動,事緣佢媽咪病咗,無啦啦發啲同期脾氣,之後自己都病埋......

吳卓羲,又係你啊?(視覺中國)

2009年卓羲喺《學警狙擊》入面飾演灣仔區特別職務隊警員,即係臥底啦,自己衝動私下運毒,最後仲累死咗Laughing Gor......

 

2011年《法證先鋒》

吳卓羲喺2011年《法證先鋒》入面飾演西九龍總區重案組警長,衝動追疑犯,交唔到差之餘,又被上司指責身位執法人員行為不當,仲連累到證據被撤銷。

連爆炸品處理課(EOD)都做埋,邊個夠卓羲鬥? (視覺中國)

唯一唔衝動例子:《拆彈專家》

不過衝動咗咁多年,吳卓羲終於喺2017年《拆彈專家》入面,都有冷靜嘅時候,好可惜去到2018年嘅《飛虎》,佢又變返衝動喇......

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。