【深宮計】胡定欣即場表演高低眉 贊成劇中對白間中較口語化
撰文：張嘉敏
出版：更新：
一眾演員齊齊落力宣傳。（黃國立攝）
無綫重頭劇《宮心計2深宮計》舉行宣傳活動，身為劇中女主角的胡定欣當然都有出席啦。訪問時提到該劇的對白有時好文縐縐，但又時又會比較口語化，對此定欣說：「其實我諗係按個劇情嚟寫嘅，啲輕鬆啲嘅戲，例如阿蕭 (蕭正楠) 同心悠 (劉心悠) 嗰啲戲嘅對白就會口語化啲，感覺現代啲，而正經啲嘅宮廷戲嘅對白就要古語啲。我覺得咁樣嘅安排好啱呀，主要都係配合返個劇情，所以無問題。」
定欣大讚劇中兩個小妹妹演得好好。（黃國立攝）
對於該劇終於可以於騰訊上架正式在內地播放，定欣表示非常開心，認為之前的禁播傳聞只是個小風波：「好快已經處理咗，依家啲觀眾已經追返晒。」身為視后的定欣亦有睇劇中兩位小妹妹的戲，還大讚她們演得好好：「希望公司安排多啲演出機會畀佢哋，但當然係讀書為重先啦。」最後她更應記者的要求，即場表演高低眉演技，定欣真係好nice呀！