【萬眾同心公益金】王浩信望往外闖：可能係音樂劇呀，舞台劇
撰文：吳子生
出版：更新：
《萬眾同心公益金》今晚現場直播陣容頂盛，雲集歌手藝員，張敬軒，周柏豪，鍾舒曼，陳展鵬，王浩信等出席活動！王浩信連同蕭凱恩為慈善公益表現一首歌曲《陪着你走》，曾在萬千星輝頒獎典禮中，勇奪2017最佳男主角獎的王浩信，有冇想過約滿之後向外發展？浩信直言：「其實對我嚟講唔同類型嘅新發展，我係歡迎嘅，若然圍繞演員呢一個身份，我自己覺得有挑戰性，我好希望係我嘅生命中發生，即係未必講係內地發展，或者可能係音樂劇呀，舞台劇呀等等！希望係呢段時間發生到。」
王浩信做演員好有挑戰性（黃國立攝）
以往好多藝人同無綫合約完咗，都會選擇唔續約，或者會有更好成就！浩信坦言：「咁當然係合約及各樣野，可以配合得到，能夠同唔同單位去合作，我都係非常之樂意，好似啱啱接觸到電影制作模式啦，我都好興奮，可以同唔同演員合作，呢近睇到下半年我都係Tvb合作！」
香港觀眾仍然係我動力來源（黃國立攝）