《大叔的愛》後又一HEHE劇攻港　台BL網劇《HIStory》6月1日首播

日劇《大叔的愛》廣受大眾歡迎，除咗收線節節上升，喺TWITTER搜尋度更曾經衝上第一位，全球觸目嘅歐聯決賽（#UCLfinal）都要屈居亞軍，同時令Boy’s Love劇成功入屋。台灣人氣 BL 劇《HIStory》，呢套劇至今已播出兩季，播出後三個月，就創下超過 350 萬 hit rate，更賣出日本同泰國電視版權，連日本院線都有播映，嚟緊仲會喺香港嘅網絡平台上架﹗

《HIStory》第一季有 12 集含三個單元，每集約 20 分鐘，單元故事包括《My Hero》、《離我遠一點》、《著魔》；第二季則共有兩個各自有 8 集的單元故事，分別為《是非》及《越界》。hmvod 已定於 6 月 1 日首播，打頭砲係第一季的 4 集單元故仔《My Hero》，主角為 26 歲的台灣小鮮肉賴東賢及蔣昀霖，賴東賢憑靚樣及身型跑出，劇中他和蔣昀霖的 60 秒茄輪戲，更在一夜間成為話題。

《My Hero》講述烏龍死神誤將賴東賢女友的靈魂上錯男人身，男身女心的蔣昀霖的唯一解決方法，就是要在七天限期內令賴東賢愛上自己，兩個男人玩七天閃愛，賴東賢由直變攣，挑戰 hehe 尺度，除了騷肌及穿內褲上陣外，亦要同蔣昀霖互咀，諗唔到拍時兩位花男非常投入，導演專登唔嗌 cut，結果兩人一咀就咀了兩分鐘，播出時就得 60 秒，當時在場工作人員睇到眼凸，個個都臉紅，反而第一次獻出螢幕初吻的賴東賢就話同男仔咀嘅感覺嘅感覺好舒服，仲讚蔣昀霖嘴唇柔軟。

此外，第二季《HIStory》首個 8 集單元故事《是非》，兩位男主角包括 28 歲的張行和 35 歲的江常輝上演的一場不倫師生 hehe 亦非常震撼。江常輝在戲內飾演一名失婚男，育有一個女兒，飾演學生的張行就因為湊江的女兒而同老師撻着，江常輝同樣由直變攣，轉 channel 的演繹過程有趣，而江常輝同張行呢一 pair 更會在本周來港出席宣傳活動。