【流行經典50年】高海寧首於電視唱歌獲網民好評：係一個反差

高海寧 (高ling) 樣靚身材正就係人都知，原來她仲係人靚聲甜唱歌都幾好聽㗎。日前無綫播出的《流行經典50年》，高ling就首次於電視上面唱歌，翻唱台灣歌手蘇慧倫的歌曲《Lemon tree》，而她早前亦曾於自己的Instagram表示心情好緊張。當晚穿上斜膊連身迷你裙在台上唱歌的高ling表現相當淡定，歌聲悅耳，加上露出白滑美腿，令成個演出更具吸引力。網民在節目播出街後也紛紛留言讚高ling唱歌好聽。

事後高ling接受《東張西望》主持利穎怡訪問時，就開心地多謝大家咁捧場，她說：「我覺得係一個反差，因為大家無諗過高ling識唱歌，點知一聽到我唱又幾好咁樣，所以就會有個印象覺得『啊，原來佢識唱歌㗎喎。』好多謝大家嘅支持同鼓勵，亦令到好多客戶知道原來高ling都唱得，所以都多咗啲登台嘅job。」她坦言收入也增加了。為了做一個多元化的藝人，至今唱卡拉ok少於10次的高ling，仲特地去學唱歌，難怪會唱到畀人讚啦。