【走佬去臺灣】杜汶澤重返避債屋好感觸：冇諗過咁慘要做明星
撰文：鄺鈺瑩
出版：更新：
杜汶澤指當年的藏身之所居民環境不堪，除了因在邊路而十分嘈吵，屋裡更係老鼠多過人。（影片截圖）
汶澤為ViuTV主持新節目《走佬去臺灣》，聽個名就知唔係帶大家飲飲食食啦，首集佢就去到當年避債時的藏身之所，至於點解要避債呢？阿澤就曾經話過自己年輕時因為豪賭，在一夜間輸掉所有，結果要連夜逃往台灣避債，而當時佢為跟爛賭父親劃清界線，更連名都改埋。
杜汶澤話自己當年夠食麥當奴而解思鄉之情。（影片截圖）
事隔26年再次重臨舊地，阿澤好快就搵返間避債屋，雖然已經成為當地議員的辦工室，但都不禁有毛管戙的感覺，阿澤指當年除靠盪衫維持生計外，亦有經營非法六合彩。「試過有個客中咗，我送錢落台南，結果飲大咗同人嘈，比人打鑊甘，我成日都係咁，飲醉鬧事呢世都改唔到。」避債一年後，阿澤指最終因頂唔順寂寞而離開台灣，他更表示雖然不少人覺得他一生十分傳奇，但在他來看卻是「平凡不堪」，更指「一直都無諗過做演員，因為自細就夢想成為黑社會大佬，無諗過咁慘要做明星。」
間屋有咁多回憶，當然要影相留念。（影片截圖）
+1