【開心速遞】周嘉洛對鏡練演技 演金城安向黎耀祥偷師

撰文:
最後更新日期:

嘉洛入行至今大部分時間都係拍處境劇。

「我唔驚被定形,我已經被定咗形啦。」周嘉洛說。無綫處境劇《愛‧回家之開心速遞》已經播出了超過330集,在劇中飾演金城安的周嘉洛演技自然流暢,形象健康又入屋。不過金城安呢個角色愈是深入民心,周嘉洛也就愈容易會被定型,那麼他自己又驚唔驚呢?對此嘉洛說,:「唔驚,我已經定咗形啦,件事已經發生緊,無得驚㗎。之前做《八時入席》飾演余日潼做咗成200幾集,到拍《開心速遞》演金城安初時都會有余日潼嘅影子,有啲演繹方式習慣咗,需要花啲時間去摵甩。如果第時完咗《開心速遞》去拍其他劇,我就會投入另一個角色,亦會有唔同嘅演繹方法,自然就唔會再係金城安。」原來這樣的情況嘉洛早已經歷過一次,難怪他有信心可以應付得來。

嘉洛由最初入行至今,有逾大半時間都在拍處境劇。行內人都說做處境劇會令演員進步得好快,嘉洛亦有同感:「真係不斷咁練習,每日拍攝每日睇返係會進步得快啲。經過呢3年時間,自己作為演員更加認清咩係演戲,演戲係好廣闊嘅範疇,我算係進入咗度門喇。自己以前係一舊飯,依家就係一個BB,仲有好多嘢要學習,仲有好多位做得唔好。我覺得自己嘅強項係演得比較自然,弱項就係演感情戲,因為自己經歷得唔多。」

嘉洛嘅演技好自然。

他坦言現在睇返自己以前所演的戲都會毛管戙:「真係睇到起雞皮,以前竟然覺得演得幾好。依家係有進步嘅,技巧有提升,但演技仍有不足。我有對住塊鏡練習演戲㗎,作為演員對自己嘅表情理解好緊要,我重點會對住塊鏡睇住自己個樣嚟揣摩,想表達嗰個情緒嘅表情,要係觀眾get到嘅,呢方面仲要慢慢練習。」

嘉洛出街成日畀人叫佢安仔。

想學多啲嘢,向前輩不恥下問絕對是一個好方法,嘉洛認為做演員某程度上要面皮厚:「我承認自己喺某啲事情上係厚面皮嘅,當然我會知道底線。演戲唔可以有太多顧慮同包袱,遇到唔識嘅嘢又或者對自己演技無信心嘅時候,就多啲問前輩,我通常會問彤爺 (劉丹)、豹哥 (單立文)、阿滕 (滕麗名) 、馬貫東同阮政峰佢哋。佢哋都好好,好幫我肯畀意見我,會同我分享佢哋嘅經歷,令我從中得到好多啟發。」

嘉洛好多謝劇中一班前輩。

嘉洛之前拍《八時入席》時,視帝黎耀祥亦教了他很多:「祥哥唔會直接教我要點樣去演,而係會同我講好多開導嘅說話,等我自己去消化同理解,從而搵出適合自己嘅演繹方法。」 至於可會睇前輩演戲來偷師?嘉洛說:「梗係會啦,偷師係基本嘢嚟,我依家處於觀察模仿嘅階段,會將人哋嗰套用喺自己身上,再去摸索點先啱自己。演戲無嘢係容易嘅,對我嚟講每一個步驟都係挑戰。」

佢會不恥下問。

嘉洛坦言一直以來可以跟咁多前輩合作,學習兼偷師,自覺非常幸運,暫時他的演藝路也算平坦易行:「自己係處於一個好幸福、好幸運嘅狀態,完全係喺一個溫室裡長大,無經歷過風雨嘅磨練,係一隻無受過傷嘅小綿羊。訓練班畢業之後半年左右就收到通知可以拍《愛‧回家》,由《八時入席》到《開心速遞》嘅角色都好入屋,編劇寫得好貼地。」

嘉洛會對鏡練戲。

講到金城安令觀眾同網民最難忘的一場戲,應該是他被飾媽媽熊尚善的滕麗名左加開弓摑了14巴的一幕,不少人睇到呢幕都戥他慘,隔住個芒都Feel到痛。不過嘉洛卻認為好好玩:「呢場戲係一shot落,雖然我皮薄但係唔痛嘅,因為阿滕好專業,佢唔係下下都真係打落去,有啲係借位同借力,大家都睇唔出呢。阿滕同我之間有好多互動,令到觀眾好記得我哋嘅戲,亦都令到金城安個角色更上一層樓。」

攝:陳順禎       場地提供:銅鑼灣迷你酒店

嘉洛同滕麗名喺劇中有好多互動。

+11
+10
+9


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。