趙碩之唔抗拒雙性戀？「唔使儲勇氣先同屋企人講」

趙碩之（Wylie）今晚（5月31日）為品牌頒獎典禮活動擔任頒獎嘉賓。Wylie講到想轉行做生意：「其實有打算做生意，但唔想求其做，都有考慮過做護膚或者時裝，都想跟番自己定位嚟行呢個商業路線。」不過大家都知道Wylie佢好熱愛做運動，所以佢都有計劃過用自己做生招牌開一間Gym Room。

Wylie還透露已開始進軍內地龐大市場，電影工作之外更有一啲大型計劃，不過未能透露住。其實Wylie在工作之外會唔會需要一段感情嚟平衡一呢？Wylie雖然唔願意透露自己單身咗幾多年，但喺訪問當中自爆其實男或者女自己都冇問題。因為問到有冇男性追求者合眼緣時候，Wylie回答：「有嘅，女仔都有，（女仔自己都接受？）睇下適唔適合啦。」

言下之意其實Wylie都接受「雙性戀」？雖然Wylie聽到「雙性戀」呢一個字眼就有點兒抗拒，但係佢覺得：「我唔會咁樣定位囉，最近有套電影就係講有一個男仔係基，佢要鼓起勇氣忍好多年之後，然後宣布我係基㗎，咁其實唔洗儲勇氣同家人講我係『雙性戀』，其實我自己係呢方面都幾開通。」仲話屋企人呢方面冇乜問題添。