【十八年後的殺人告白】黃智雯重返一至五時段 再做差婆捉殺人犯
撰文：賴家杰
出版：更新：
Tvb新劇《十八年後的殺人告白》今日中午時份舉辦劇裡面的角色造型活動，今次女主角之一黃智雯（Mandy）當然有出席，Mandy劇中角色飾演一名警察，更需要鬥智鬥力，Mandy都講到會考起佢嘅演技，而劇中另一名女主角楊秀惠都需要性感演出，問到Mandy會唔會都需要呢？Mandy笑說：「暫時未有，咁佢唔同，佢飾演一個酒吧女郎，我就係演一個專心察案嘅警察，咁最後我都幾期待同譚俊彥嘅感情戲，因為開始係查佢變到愛上佢，所以好期待最後嘅戲份。」
《十八年後的殺人告白》由黃智雯、譚俊彥任第一男女主角。
今次呢一套劇名就叫《十八年後的殺人告白》，唔知道大家有冇覺得有種似曾相識嘅感覺呢？冇錯啦，有一套日本電影就叫《22年後の告白 -我是殺人犯-》，有網民就覺得名字上就相似，而劇情會唔會都係好相似呢？對於呢一點Mandy都有回應，Mandy就覺得呢一個係暫名：「平時公司劇名比較短，我自己就鍾意長名，好有日本系嘅感覺，（大家就話係抄日本名字）咁劇情唔同嘅，內容同鋪排都唔一樣，咁宜家都係暫定咁叫姐。」
《三個女人一個「因」》令黃智雯成為星期日視后。
但自從《雜警奇兵》《三個女人一個「因」》之後，大家都叫黃智雯為星期日視后，但亦有人為她不值，她的作品應放在一至五播映，今次終於有機會了，她說:「今次呢套比較懸疑啲警匪啲，我諗都比較適合平日播嘅。」希望無綫放返喺一至五啦，始終黃智雯喺星期日儲了一定人氣，大家都期待見到她的演出。