苟芸慧年尾出嫁　升呢做陸太：婚禮想低調啲

快將成為人妻苟芸慧（苟姑娘）今晚左手無名指戴上未婚夫陸漢洋所送的三卡求婚鑽戒（約值170萬）出席名錶品牌活動。

苟姑娘接受《香港01》訪問時說：「我真係冇乜點安排，上年比較忙，因為好多嘢由佢決定， 佢話想俾啲驚喜我。」九姑娘透露，心目中嘅婚禮可以的話，都想低調啲，邀請屋企人同朋友出席就算。但作為一個有知名度嘅藝人，應該將開心嘅野同大家一齊分享，所以都會係香港一齊慶祝。

近幾年苟姑娘因愛上賽車運動，而認識了同樣玩賽車的陸漢洋，並傳出戀情！會唔會喺婚禮上，同樣以賽車作為主題，穿上賽車衫去接新娘子？苟姑娘笑言：「算啦！佢一把年紀唔好攪佢啦，賽車其實好辛苦，因為賽車衫好厚，加上香港天氣又熱，真係唔係咁適合，如果佢哋做到，固然好啦，但我會心痛。」

婚後會唔會盡快做人呢？苟姑娘惟自己都喜歡小朋友，不過未婚夫想四年之後，因為想有足夠時間作好準備，做個好爸爸喎。