【刑事偵緝檔案】點解冇咗Madam雷? 大勇突然換環頭原來有玄機

撰文:陳浩賢
出版:更新:

無綫深宵時段重播的《刑事偵緝檔案III》,繼續由大勇和義仔調查兇案,而將軍澳警署的一班手足,竟然無乜表現?當然啦,大勇同義仔已經調了環頭,變成馬鞍山警署,順理成章大勇班下屬要大換血外,他亦要跟過一個新上司,金興賢飾演的警隊總督察詹sir,這個設定唔多唔少都帶給觀眾陌生感覺,仲有粉絲話好掛住林漪娸飾演的Madam雷,今次就由該劇監製潘嘉德解開Madam雷被消失之謎。

Madam雷在上兩輯《刑偵》都有登場,但在第3輯卻突然被消失。(網上截圖)

在前兩輯的《刑事偵緝檔案》中,大勇上司Madam雷,一直甚受觀眾歡迎,雖然她查案斷估,又經常錯誤引導大勇和義仔的查案方向,但說到底有個靚上司,又確是養眼得多,但來到第3輯故事,竟然講到大勇、義仔調了去馬鞍山警署,至於將軍澳警署,由Madam雷到芬女、孟波,全部被消失,換上新上司詹sir,一班手足亦大換血,變成思龍、阿田和靚冰等人,究竟為何會有這個設定,唔使搵大勇去偵查,直接問該劇監製潘嘉德。

有傳飾演Madam雷的林漪娸,當年有幾齣劇集在身,未有檔期拍《刑偵III》。(網上截圖)

德哥接受《香港01》訪問,他知悉觀眾掛念Madam雷,無奈表示「香港觀眾思想真係好狹窄,美國嘅警匪片,每季都唔同人啦。(點解會有咁嘅設定?)都係想俾啲新嘢觀眾,而且套劇成40集,無新嘅嘢點拍落去呀。」不過網民最關心都是Madam雷,而當年劇中大勇要轉環頭,還有一個講法是因為林漪娸有多齣劇集在身,包括《O記實錄II》、《天地男兒》、《壹號皇庭V》,林漪娸根本是分身乏術,未有檔期接拍《刑偵III》。

在39及40集Madam雷會再次出場,還會指揮拘捕Big Boss。(網上截圖)
+4

相關文章:

【刑事偵緝檔案】兇案現場竟然係澄碧邨堅離地 殺人逃走都唔方便​

【刑事偵緝檔案】林漪娸參選港姐當年係靚女 任達華都要演佢老公

對於其他劇組「搶人」之說,德哥大方表示:「佢(林漪娸)一向都好多劇拍,由我離開無綫之前,至到我走咗,佢都仲拍緊。」德哥說劇中多了很多人,好像羅冠蘭飾演郭可盈的阿姨,觀眾一樣受落。當然取代Madam雷的詹sir,亦不是行行企企的閒角,他將會是大結局時的Big Boss,不過掛住Madam雷的網民亦不用失望,她將會在39、40集再次登場,將詹sir繩之於法。

《刑偵》監製潘嘉德揭開Madam雷被消失之謎,原來是想帶給觀眾新意。(資料圖片)