【美女廚房】伍樂怡對自己廚藝有信心:煮三餸一湯絕無問題

撰文:張嘉敏
出版:更新:
Kelly對自己廚藝好有信心。(梁碧玲攝)

伍樂怡 (Kelly) 今日出席商場活動除了玩遊戲,仲行catwalk同表演唱歌,獻唱林憶蓮的國語歌《至少還有你》,台上的Kelly唱歌時表現得有些緊張。今次是Kelly第一次公開唱歌,她說:「有少少緊張,但係自己都幾享受喺台上唱歌。(練咗幾耐?)練咗一日左右,因為本身都好熟呢首歌,我都係沖涼同搭公司車嗰啲時間練。我好鍾意唱歌,希望可以有多啲唱歌嘅job啦。」

最近加入《美女廚房2》成為美女學徒的Kelly原來對自己的廚藝相當有信心,她說:「可能我煮嘢食嘅過程唔係好精緻,但係出嚟個結果係好食嘅。最拿手煮中菜,例如魚香茄子、蕃茄炒蛋,煮三餸一湯絕對無問題,我以前喺加拿大讀書成日都自己煮嘢食,西餐我都識煮。」不過Kelly就話自己無煮過給男朋友食:「我無男朋友,有煮畀媽咪食,早前煮咗個焗開心果牛油果三文魚,雖然個賣相唔係好靚,但係好好味㗎。」