阿 Sa 披婚紗多謝阿嬌花球　真係咁靈閃嫁百億太子爺？

阿嬌（鍾欣潼）上月在美國舉行婚禮，當時佢仲親手將花球贈畀阿Sa（蔡卓妍），話都無咁快，今個月就到阿Sa 披婚紗，佢喺IG 上載一張婚紗相同一張「新郎相」，仲話多謝阿嬌，唔通個花球真係咁靈？

【阿嬌結婚】阿Sa 半夜發深情表白：不會減少對妳的愛

楊丞琳不滿狂被追問缺席阿嬌婚禮 霸氣反問：很重要嗎？

【阿嬌結婚】梁浸浸孖阿嬌撒花瓣勁興奮 網民：似自己結婚多啲

阿Sa 呢張相一出，唔少網友都表示嚇親，其實阿Sa 只不過係拍戲所以先著婚紗，而個新郎其實係吳浩康嚟。有網友衷心送上祝福：「雖然有嚇到，但卻希望係真嘅，咁就可以（同阿嬌）一齊擺酒。」

不過結婚呢家嘢，未必個個都想同人一齊搞嘅，話晒嗰日嘅主角應該只得一對新人。雖然阿Sa 已經結過一次婚，但佢同鄭中基嗰次只係喺美國秘密結婚，婚照都無曝光過，期待佢喺自己嘅婚禮上披婚紗。