【多圖】港姐宣傳片陳凱琳都唔夠佢瘦? 劉穎鏇出招3秒變小蠻腰

撰文:
最後更新日期:

2018年港姐招募,正在密鑼緊鼓進行中,而幾位港姐冠軍亦被徵召拍攝宣傳片,包括有陳凱琳、麥明詩、邵珮詩及馮盈盈,還有一位是劉穎鏇,咪住,她明明是2016年的港姐亞軍,卻頂替了應屆冠軍雷莊𠒇。無他嘅,雷莊𠒇拒絕簽約無綫,咪拍宣傳片都無份。幸好劉穎鏇都是公認的靚女,放在4位冠軍身邊半點也不輸蝕,而且她還有秘密武器,拍攝時可令條腰睇落瘦2吋,究竟是什麼瘦身神器呢?下文自有分解。

劉穎鏇是2016年港姐亞軍,仍被徵召拍攝港姐宣傳片。

該條港姐招募宣傳片,幾位港姐各展美態,除了靜態擺甫士外,也不乏充滿動態的運動美感,像身材惹火的邵珮詩,在馬路上踩滑板,而麥明詩除了揸跑車外,又大跳勁舞,至於劉穎鏇就不停打拳做gym,而陳凱琳和馮盈盈雖然未有激烈表現,也各自顯露獨特氣質,5位港姐確實相當養眼,而且身材亦十分窈窕,最讓人想不到是一向有少少Baby Fat的劉穎鏇,驟眼睇竟然擁有小蠻腰,甚至瘦過出名slim的陳凱琳,在宣傳片的最後一個畫面,謎底終於揭開。

相關文章:

10位靚過同屆冠軍港姐 家底緊要過美貌智慧係潛規則?​

【多圖】10大最美星二代 睇樣揭露父母都係零加工

+4
+3
+2

5位港姐一字排開,各有美態,正當劉穎鏇稍稍向右轉身時,竟然清楚見到後腰間有一隻衫夾,原來是用來夾實件鬆身運動背心,令整個人的線條更加突出,十分蠱惑,只是想不到會出現這個穿崩的蝦碌畫面。劉穎鏇接受《香港01》訪問,她表現得有點不好意思,「我都無留意到,因為我嗰日著件衫比較鬆,出到嚟個畫面鬆泡泡,我同導演諗過點樣令到件衫好啲,令到個畫面靚啲,最後決定用個衫夾夾住。」

劉穎鏇參選港姐時還有少許Baby Fat,現在當然唔同晒啦。(資料圖片)

+18
+17
+16

她笑說:「其實都係用咗一個夾啫,本來件衫上身slim,下身較為闊,為咗一致啲,就夾一夾條腰位,睇落咪Fit返個身。(拍攝宣傳片前有冇去做運動Keep吓?)真係無機會特別去做運動,呢排都好忙,段片係我生日前拍嘅,嗰段時間成日出街,又要開工,無乜時間做gym,加上我媽咪返嚟香港探我,都無乜機會運動。」其實劉穎鏇身材都相當標準,但用了這個秘密武器,體態再提升多一個層次,以後絲打影相、拍片之前,記得帶定衫夾,效果確實幾好,各位絲打要學嘢啦。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。