江若琳蕭潤邦晒結婚相 Elanne拍戲成日著婚紗終於嚟真
撰文：冼燕珊
出版：更新：
歌手江若琳（Elanne）將於12月嫁「生煎包王子」蕭潤邦（Oscar），兩位準新人今日相繼在 IG po 婚紗相，而呢輯相風格都幾多變，有兩人著婚紗禮服正經相擁，亦有韓式影樓風，又有坐車頂著便服輕紗輕鬆feel，更有兩人一齊著曼聯波衫搞笑。
江若琳同未來老公蕭潤邦今日相繼喺IG Po 結婚相，風格多變。（IG圖片)
Elanne 同Oscar仲齊齊將Profile picture轉做婚紗相，不過作為曼聯球迷嘅Oscar 明顯特別鐘情Elanne一齊著波衫嗰張相，所以連Profile picture都係轉做嗰張。Elanne 入行多年，著過好多次婚紗拍戲拍廣告，今次真係披婚衣，真係要嫁人，佢喺IG 好感觸咁話：「我以為我已經麻木晒，但今次終於黎真啦，望住眼前呢位人兄，佢唔係你拍廣告既拍檔，唔係你拍戲既對手，而係我人生往後幾十年最想互相折磨既最強對手！原來仍然會好感動架喎，不過當我望住佢，我腦入面不停飄黎：『點解會係你既，我地識左好耐啦喎，咁神奇既。』」
Oscar 似乎最鐘意呢張同未來老婆一齊著曼聯波衫嘅相，佢仲話：「我找到一個陪我一世既波友。」（IG圖片）
+6