楊證樺沈可欣上載超聲波照 宣佈將成四口之家:多謝上天的安排

撰文:洪曉璇
出版:更新:
之前佢地喺《1+1的深情》中,充分表現咩係平淡幸福。(影片截圖)
+1

單身時問幾時結婚,結咗婚問幾時生BB,生完就會問幾時生多個,呢堆問題大家應該完全唔陌生,仲可能答過上百次,楊證樺沈可欣就用行動回覆。兩夫婦喺TVB演戲多年,相知相許十數載,婚後育有一個囝囝,呢日於網上宣佈,佢地好快會變成四口之家啦,恭喜恭喜﹗

佢地不時帶住囝囝到處去。(楊證樺沈可欣Facebook)

【1+1的深情】楊證樺沈可欣樂做甘草夫妻 補求婚令太太感動爆喊

佢地上載超聲波照宣佈即將成為四口之家。(Facebook截圖)

楊證樺沈可欣兩夫婦當年拍攝劇集《再戰明天》時結緣,拍拖十幾年後2015年註冊結婚,2016年初誕下囝囝楊宏志,之後一次過辦婚宴暨囝囝百日宴,當時好多TVB藝員朋友都有到賀。依家囝囝已經2歲幾,上個月佢地一家三口出席活動時,楊證樺仲話想再生多個囡囡正在努力中,估唔到呢日就有好消息宣佈。佢地上載一張超聲波照,寫上:「沈可欣楊證樺的第二份禮物,多謝上天的安排。」字裏行間都難掩興奮之情,網友都紛紛送上祝福呀!

當年佢地先註冊,補擺喜酒時順道舉行囝囝百日宴。(視覺中國)

楊證樺沈可欣演聾啞日練10小時 冇諗過放棄:演員係我終身職業

+5