【美女廚房】方力申鄧麗欣蜜運中同場放閃 錢嘉樂直呼「阿嫂」

撰文:
最後更新日期:

全新一輯《美女廚房》近日播出,網民一致負評,只因上兩輯實在太過經典。

第一代《美》其中一集,有當年還在熱戀中的情侶方力申和鄧麗欣(Stephy)同場,兩人當時青澀甜蜜的互動,真係隔住個Mon都覺得sweet,但畫面愈Sweet,就愈令人覺得唏噓。

當年Stephy 同方力申當時熱戀中,兩人同場非常Sweet。(影片截圖)

Stephy 一出場就被介紹「鍾意運動型男士」、「又係我哋主持之一嘅短訊親密朋友」,跟住兩人仲被其他主持忽然起哄,話要做主婚人,現場即時行禮,現場觀眾反應非常熱烈,雖然「一對新人」即時遁走兩邊,不過都笑到見牙唔見眼,欲拒還迎。

成班主持起哄要「一對新人」即場行禮,Stephy同小方笑得勁Sweet。(影片截圖)

當年Stephy 同方力申拍緊拖,小方不避嫌直接落場幫女朋友。(影片截圖)

進入煮食環節,見Stephy煮到雞手鴨腳,小方運用主持的特權,直接落場幫拖。到Stephy煮完之後,作為男朋友嘅小方非常識做,勁讚Stephy煮得好:「內外兼備,外表有賣相,內裡有味道。」都唔知讚緊道菜定讚緊Stephy,最後唔少得嘅就梗係畀Stephy 10分滿分啦,一班兄弟主持當然唔放過呢啲抽水機會,例如錢嘉樂就話:「好似係親人煮畀我食咁,直頭好似係阿嫂煮畀我食咁呀。」

不過此情只可成追憶,Stephy 同方力申兩年前宣布分手,一度震驚全城,二人分手後分別與不同人傳出緋聞,但對外依然宣稱單身,希望佢哋早日找到幸福。

此情只可成追憶,希望兩人早日找到自己的幸福。(視覺中國)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。