C AllStar休團後釗峰率先派歌 自稱性格似教授怕悶親女朋友
撰文：翁漢瓏
出版：更新：
C AllStar休團之後各團員都努力去闖自己天空，而釗峰就率先第一位派歌，今日(6日)佢現身新城電台宣傳新歌《月亮不代表我的心》，話要俾歌迷聽到釗峰不同嘅一面。
釗峰透露自己會喺MV當中飾演研究眼涙既眼涙教授。（吳子生攝）
講到話一個人做歌同以前有何分別，釗峰就話：「而家無論係做訪問定唱歌，都冇得去依賴其他人，例如訪問時冇人幫手接問題，上到台又要一個人承受晒所有目光，有時都幾有壓力。」不過單飛壓力再大，釗峰仍然覺得享受：「自己一個做歌好自由，可以更加深入自己嘅內心，去做一啲更加代表到自己嘅歌，所以我都幾享受自己一個人發展。」
釗峰笑言自己「悶蛋」性格可以食足一個星期葡國雞皇飯。（吳子生攝）
講完事業，到底釗峰既感情生活又點呢？佢就話：「其實我份人都幾悶㗎，因為成日講埋啲人生大道理，搞到身邊啲人成日叫我教授，加上我除咗唱歌都冇咩特別興趣，都希望可以搵到個唔怕我悶既女朋友。」