【全民造星】ViuTV騷旺角味濃 靈活肥仔梁業唔認MK：我係可愛
撰文：陳栢宇
出版：更新：
ViuTV節目《全民造星》早前在網上公開99位參賽者的造型照，展開Foul淨50人的「《全民造星》eye catching idol選舉」，不少網友見到相片後即忍俊不禁笑爆咀，指他們的裝扮實在太MK，當中更有人批成個節目的服飾均是「Cheap之堡贊助」，認真不留情面。
你有你踩，ViuTV有ViuTV繼續做。截至6月1日中午12時，在選舉中得最多「心心」的頭5位男生依次排名是45號「肥仔」梁業（3,593票）、11號龍志權（2,910票）、74號「華Dee」何啟華（2,508票）、91號盧瀚霆（2,246票）和34號楊樂文（1,959票），而這5位男生可直入50強。
好多網民都覺得《全民造星》99位參賽者造型太MK。圖為「肥仔」梁業、毛記偽人龍志權和「華Dee」何啟華（左至右）。
憑得得意意的樣子奪得第1位的「肥仔」梁業其實是一位舞蹈導師，他接受《香港01》訪問時就坦言想以自己肥大的身驅為觀眾製造驚喜。提到好多人覺得他們一班仔好MK，梁業就不太覺得自己MK：「我會用可愛形容自己。好多人都齋睇外表去定奪人係咪MK，但其實要睇清性格先可以咁講。我同各參賽者相處後，發覺大家一啲都唔MK。」
「肥仔」梁業不覺得自己MK。
雖然分別屈居第2、第3位的龍志權和何啟華在網絡上都薄有名氣，但好多網友覺得佢哋已經淪為一般MK。對於被稱MK，毛記偽人龍志權就指MK是人生必經階段：「有種似曾相識嘅感覺，好耐冇人叫我做MK。」至於何啟華就指自己會平常面對負面評語：「最重要係比賽裏面做好自己，畀觀眾知道大家知點樣對比賽認真，同埋睇到佢哋付出嘅努力。」
龍志權話好耐沒有人叫他MK。
「華Dee」何啟華指自己會平常心對待負皮。