【開心速遞】朱凌凌Miss Tong未拍拖先咀咀　吳偉豪獻出熒幕初吻

無綫處境劇《愛‧回家之開心速遞》最新的一條感情線是朱凌凌 (吳偉豪飾) 與湯圓圓Miss Tong (楊秀惠飾) 的一段師生戀，應該係話朱凌凌暗戀Miss Tong先啱。呢條線於昨晚的劇情進展得好快，朱凌凌同Miss Tong竟然kiss了，吳偉豪正式獻出了他的熒幕初吻！雖然有唔少觀眾同網民都覺得朱凌凌同Miss Tong一啲都唔襯，甚至唔明白以朱凌凌的條件為何會如此迷戀已經有男朋友兼年紀又大過他不少的Miss Tong，不過朱凌凌的眼中就只有Miss Tong一個，果然愛情是盲目的。

今集一開始朱凌凌就大玩濕身誘惑，着住件白裇衫see throung咁樣大騷結實body，再加埋他的高顏值，真係好吸引㗎，有網民仲話想睇多些，簡直就是成晚的亮點。而另外一幕令人印象深刻的當然是朱凌凌同Miss Tong咀咀的畫面啦。雖然只是朱凌凌自己幻想出來的情境，但兩人是真錫落去的，相信令不少鍾意睇朱凌凌的粉絲心碎。有網民就話希望湯朱呢條線可以發展成為戀人，不過亦有網民話唔想再睇朱凌凌同Miss Tong成為一對。