【深宮計】謝雪心連續8晚通宵拍攝：每次只能小睡3個小時

謝雪心（心姐）連同一眾《深宮計》演員出席香港仔「齊心展愛心」活動，探訪長者及復康人士，更與他們大玩遊戲！

《宮心計2深宮計》劇中每一位演員化妝連服飾，都一絲不苟，心姐更在劇中戴上8磅重嘅假髮。心姐表示：「之前拍《宮心計》時，個定妝假髮長時間戴住條頸好痛，所以後期我地用左個細頸箍，用來承托住條頸，之後我地嘅演員花旦都會用，今次拍呢套劇我又準備左頸箍，防止受傷。」

心姐透露拍攝《宮心計2深宮計》時，就要連續8晚拍通宵。「因為要就個廠景，所以要將上宮局嘅戲份，一連二十集要拍哂佢，所以每次只能訓3個鐘，小青姐不停為我地打氣，天光又見到佢，凌晨又見到佢，小青姐知道我地好攰，付出好多。」