【美女廚房】太耐無食「垃圾」好懷念？ 方力申感嘆：想回歸！
撰文：翁漢瓏
出版：更新：
方力申昨日（7日）出席腕錶發布會，活動期間坦言對新一輯《美女廚房》十分期待：「我真係特登校鬧鐘提我去睇第一集，睇完之後我都覺得係正嘅，雖然網上真係有好多唔同嘅聲音，但其實我知道呀Bob佢哋要做呢個節目其實都幾大壓力，希望觀眾俾多啲時間同機會佢哋。」
方力申直言自己好想同Ronald丶Edmond一齊拍攝新一輯《美女廚房》。（吳子生攝）
被問及會否回歸拍攝《美女廚房》，方力申回應：「其實我都好想有咁嘅機會，不過只係得我一個上節目唔夠好笑，最好就可以搵翻曬我哋三個一齊上去做嘉賓啦！」小方咁嘅講法，係咪代表與鄭中基及梁漢文回歸《美女廚房》指日可待呢？
方力申笑言自己太耐冇食過「垃圾」：「真係有啲懷念！」（吳子生攝）
係訪問當中最後問到小方佢其實會唔會都好懷念當初嘗試「地獄級」美食嘅日子呢？小方就口快快講好耐冇食垃圾，隨即改口：「我太耐冇食過難食嘅食物，所以我都好期待。」