【係愛呀】杜汶澤46歲生日 老婆田蕊妮靜靜雞重修爛獎做禮物

撰文:
最後更新日期:

杜汶澤今日(6月8日)正日生日,不少圈中好友同網民都在他的社交網站專頁上留言,祝賀他踏入46歲,而阿澤老婆田蕊妮亦非常識做,送上一份勁Sweet的禮物,令阿澤以至網友都非常驚喜。

杜汶澤今日(8日)生日,他在社交網站貼出一張老婆田蕊妮向他送上生日禮物的相片,而這份禮物是之前她不小心打爛、剛剛修補好的「大阪電影節亞洲之星獎」獎座。

獎座中間有一條明顯裂痕。

阿澤在自己的社交網站上貼出兩張相,一張相是阿田捧住個獎座,一張相是明顯有條裂痕的獎座。阿澤留言寫道:「今日生日,我老婆比咗個獎我,但係個樣,明明係之前響日本比人打爛咗嗰個大阪電影節亞洲之星獎嚟喎!點解咁奇怪呢?你地又記唔記得邊個打爛嘅呢?」原來阿田是將之前不小心打爛阿澤在大阪電影節奪得的亞洲之星獎獎座黐返好,之後再送給老公當作生日禮物,而阿澤亦搞笑地Hashtag一句「我懷疑有道具手足出賣了我」,幽自己和老婆一默。好多網友睇完都大讚阿田好細心,其中有人留言:「爛咗嘅嘢入修補返之後更珍貴。」又指阿田的舉動勝過千言萬語。

杜汶澤3月時在日本奪得「大阪電影節亞洲之星獎」。

但好快便不小心被老婆田蕊妮打爛,當時他留言寫道:「佢(田蕊妮)差啲爆喊,而我心諗,我都未喊你喊乜膠呀?」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。