林夏薇車禍傷頸椎導致頭痛失眠　手尾長依然樂觀面對

林夏薇日前在《逆緣》慶功後，獨自駕車回家時遇上意外，被另一輛小路出大路的私家車欄腰撞，她事後接受訪問，表示老公嚇得即衝到現場，自己被撞至頸痛同頭痛，即使食止痛藥都無用，夜晚痛到失眠，而左手亦麻痺無力，連水杯都拎唔穩，但她慶幸自己當時是司機，如果坐副駕駛座肯定更傷。

薇薇今日在IG 上載兩張頸椎的X光片，一張係正常頸椎，而另一張則是她受傷後照的頸椎X光片，正常的頸椎帶點弧度，而薇薇嘅頸椎則比正常的頸椎直，睇嚟都要休息一段時間，唔知手尾長唔長添，不過薇薇就似乎唔係好擔心，仲好樂觀咁話︰「病假開始」，仲配以一個哈哈笑emoji，希望佢早日康復啦！