【學是學非】劉穎鏇隨隊韓國取景 玩機動遊戲爆喊︰我係完全失控

撰文:
最後更新日期:

劉穎鏇日前現身上水「傳奇再現」英超足球邀請賽記者會。一眾前英超球星,曼聯科東尼更即場傳授劉穎鏇足球技術,並與現場「粉絲」玩遊戲。

Tiffany 說她比較喜歡籃球運動,原因是節奏快比較快。(葉志明攝)

萬眾期待的世界盃即將來臨,呢股熱潮席捲全球,但原來唔係個個都鍾意㗎!好似劉穎鏇,雖然好鍾意運動,但對足球就唔多感興趣喇!「因為覺得足球場好大,要跑來跑去,自己好難應付,但我都會留意世界盃嘅,都會去睇,自己本身鍾意打籃球,鍾意射三分波。」

劉穎鏇表示去韓國拍攝期間狂食野。(葉志明攝)

早前成班《學是學非》主持,遠赴韓國拍攝,仲逗留咗8日。穎鏇笑言喺呢8日裡面,五位是非精走埋一齊,雖然好嘈吵,但又非常之開心,「我哋仲扮韓國女團,帶戴帽戴口罩,仲拍手指舞放上網,得到好多人留言讚好,成件事好開心。」

穎鏇透露係拍攝期間,因為要玩一個sky track機動戲,為咗完成拍攝,要面對人生一個重大挑戰。「當佢哋拉我上去嘅時候,個人已經好驚,開始爆喊,唔知點解控制唔到自己,嗰種驚由內心發出嚟。上到去仲嚇親個教練,問使唔使停止。最後我都完成咗,覺得自己好成功好有滿足感。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。