【開心速遞】KC、Helen同John將陷三角戀? Terry今次都唔幫舅父

撰文:
最後更新日期:

無綫處境劇《愛·回家之開心速遞》幾位主要演員包括歐瑞偉 (飾演KC) 和李偉健 (Terry) 呢對深受觀眾同網民喜愛的CP,齊齊出席慈善義賣活動,眾人不停在台上為該劇大賣廣告,提醒現場的市民記得要收睇該劇。提到早前《開心速遞》的收視跌至近14個星期以來的新低,只得24點收視,問到KC和Terry可會擔心,KC說:「我覺得都唔係跌吖,口碑好好呀,好多人都話鍾意睇,好支持呢套劇㗎。」

歐瑞健同李偉健一齊出席活動,即時令人諗起佢哋個角色KC同Terry。(梁碧玲攝)

KC已經好耐無於劇中出現,他透露自己就快會出場喇:「應該係今個月20號嗰集會再出場,嚟緊會講我、Helen同埋John嘅感情瓜葛,講我哋嘅關係,我唔可以講住,大家記得睇。」至於他因為失了憶而不再愛Helen,KC可會驚觀眾會為此而憎了他,他即多次強調:「唔關我事㗎,我失咗憶咋。」而經常同舅父KC企埋同一陣線的Terry,今次就唔幫舅父了,Terry說:「我一向都撐helen姐,我已經當咗佢係未來舅母㗎喇,希望可以幫到佢啦。(會唔會鬧醒舅父?)我就係驚鬧唔醒佢。」

Terry話佢撐Helen姐多過撐自己舅父KC。

KC話佢今個月20號嗰集會出場喇。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。