【逃犯剋星】張學友內地個唱四助公安捉犯 今次又捉到咩犯人呢?

撰文:蘇國豪
出版:更新:

天王果真係天王,魅力真係沒法檔,張學友又助內地公安抓獲逃犯。被封為「逃犯尅星」的他,其實早在4月7日南昌演唱會、5月5日贛州演唱會﹑5月20日的浙江嘉興演唱會的時候已經助過公安在演唱會現場捕獲逃犯,近日在浙江金華體育館開個唱的他,再度助當地公安抓獲一名盜竊犯,三番四次助攻成功,「警察之友」呢個封號絕對當之無愧。

歌神演唱會連逃犯都吸引來。

據知,張學友在金華體育館開場前,當地公安就抓獲一名49歲姓馬的逃犯,其過去因為盜竊而被警方在網上通輯,自稱是張學友歌迷的他,原本在場外賣飛,就偏偏沒想到在這個時候被抓,真係「就係咁巧合」。同時,又抓了一名涉嫌偽造國家機關公文罪,被福建警方上網追逃的鄭某,因此唔少網友都認為張學友似足是卧底,更引用他的經典歌曲《她來聽我的演唱會》改為「你來聽我的演唱會,門票換手銬一對」認真搞笑。

近日又抓了兩名逃犯,歌神真係好勁。(網上圖片)

對於在演唱會上助公安抓犯,其實他之前講過唔嚟睇他演唱會,都會在便利商店被抓,不過他都好多謝這一些逃犯嚟睇他個唱,他覺得無論係咩人都需要娛樂,睇嚟頒一個「最佳市民獎」給他實屬應當啊!

最叻係你。