《陀槍師姐》關詠荷歐陽震華重聚 Esther：好懷念開廠嘅日子
撰文：賴家杰
出版：更新：
Esther今日再見好多朋友都懷念開廠嘅日子。（陳順禎攝）
關詠荷（Esther）今日（11日）出席黃智賢的鋪頭開張活動，更遇上歐陽震華及滕麗名，三人聚在一起令人聯想到三人經典劇集《陀槍師姐》，Esther表示今日出席活動見到一班朋友好熱鬧好開心，「好似番咗Tvb開廠一樣咁熱鬧。」
近年Esther主力照顧屋企人而未能復出拍劇有作品畀觀眾，但經過今日見到咁多朋友會唔會想拍番劇呢？Esther回應：「之前冇呢個想法，但啱啱行入嚟嘅時候見到咁熱鬧，突然間有一個想法，都可以開番一部戲嚟拍，因為可以懷念一下以前喺廠嘅日子。」Esther咁講法睇嚟佢復岀嘅日子不遠了，Esther都透露成日街上有人問佢唔再拍戲啦？Esther就不禁會諗：「我可以拍啲咩呢？」
其實Esther仲有一個選擇，就係可以叫老公張家輝開番部劇畀佢拍，不過Esther就表示唔好啦：「叫佢做電視劇導演？我驚我死呀，（點解呀？）因為做電視劇導演佢會好辛苦，更何況佢拍電影已經好辛苦㗎啦。」
《陀槍師姐》班底再見面。