【人不可以貌相】王源竟然有8嚿腹肌　仲有咩男星係脫衣有肉呢？

果真「人不可以貌相」，就好似內地組合TFboys成員王源咁，年紀細細身材睇起上嚟瘦削，點諗都同「肌肉男」扯唔上關係，但萬萬沒想到他竟然有8舊腹肌，近日在個人社交網站上貼腹肌照，即時令唔少人嘩然，即刻被人標籤為「穿衣顯瘦脫衣有肉的男星」，Man味十足令人意外。其實除了他之外，圈中有一啲男星都係呢個情況，簡直型到不得了。

易烊千璽

同為TFboys成員的易烊千璽亦是「肌肉男」，擅長跳舞的他身材一開始睇起上嚟唔算大隻，反而被人覺得是瘦削型。不過，當他跳舞的時候六舊腹肌盡現，剛強有力的他Man味十足。最近留鬍鬚的他更漸漸成熟，開始向輕熟男路線邁進。

張藝興

EXO中國藉成員張藝興（Lay），外貌睇起上嚟斯斯文文，而且白白淨淨好難同粗獷男扯上關係。不過可能跳開舞關係，不時在演唱會表演時就偶爾小露腹肌，才能令人覺得他都是有肌肉之人。

白敬亭

內地男星白敬亭點睇都係瘦削男，183CM的他高高瘦瘦似乎就是奶油小生，但想唔到他都是「肌肉男」，早前在社交網站一連上貼多張手臂照，二頭肌盡現Man味十足，而且多次在綜藝節目中大晒男友力，令人覺得他外﹑內裡就是不一樣Feel，打從心底就是穿衣顯瘦脫衣有肉的男星。

盛一倫

2015年憑網劇《太子妃升職記》爆紅的25歲盛一倫，外形Man味十足的他型到不得了。雖然他已經是壯碩男一族，不過點都沒有想過他身材如此健壯，不時在社交網站分享運動成果，一身肌肉已經達教練級，Fif爆身材原來隱藏得更深。