【人不可以貌相】王源竟然有8嚿腹肌 仲有咩男星係脫衣有肉呢?

撰文:
最後更新日期:

果真「人不可以貌相」,就好似內地組合TFboys成員王源咁,年紀細細身材睇起上嚟瘦削,點諗都同「肌肉男」扯唔上關係,但萬萬沒想到他竟然有8舊腹肌,近日在個人社交網站上貼腹肌照,即時令唔少人嘩然,即刻被人標籤為「穿衣顯瘦脫衣有肉的男星」,Man味十足令人意外。其實除了他之外,圈中有一啲男星都係呢個情況,簡直型到不得了。

王源的8舊腹肌的確令人意外啊!(網上圖片)

易烊千璽

同為TFboys成員的易烊千璽亦是「肌肉男」,擅長跳舞的他身材一開始睇起上嚟唔算大隻,反而被人覺得是瘦削型。不過,當他跳舞的時候六舊腹肌盡現,剛強有力的他Man味十足。最近留鬍鬚的他更漸漸成熟,開始向輕熟男路線邁進。

易烊千璽的腹肌都好勁啊!(網上圖片)

張藝興

EXO中國藉成員張藝興(Lay),外貌睇起上嚟斯斯文文,而且白白淨淨好難同粗獷男扯上關係。不過可能跳開舞關係,不時在演唱會表演時就偶爾小露腹肌,才能令人覺得他都是有肌肉之人。

Lay白白淨淨其實都是粗獷男。(網上圖片)

白敬亭

內地男星白敬亭點睇都係瘦削男,183CM的他高高瘦瘦似乎就是奶油小生,但想唔到他都是「肌肉男」,早前在社交網站一連上貼多張手臂照,二頭肌盡現Man味十足,而且多次在綜藝節目中大晒男友力,令人覺得他外﹑內裡就是不一樣Feel,打從心底就是穿衣顯瘦脫衣有肉的男星。

白敬亭一排排腹肌,亦令人難以想像。(網上圖片)

盛一倫

2015年憑網劇《太子妃升職記》爆紅的25歲盛一倫,外形Man味十足的他型到不得了。雖然他已經是壯碩男一族,不過點都沒有想過他身材如此健壯,不時在社交網站分享運動成果,一身肌肉已經達教練級,Fif爆身材原來隱藏得更深。

盛一倫已經是教練級別喇!(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。