【美女廚房】遭素食會投訴 高海寧同劉佩玥:有扑暈條魚先劏

撰文:
最後更新日期:

新一輯的《美女廚房3》至今播出了兩集,卻惹來不少人投訴,通訊事務管理局的報告就指該節目現時已收到逾800宗投訴,而香港素食會也有斥責該節目於處理及烹煮活生生的動物食材時虐待動物,又指節目浪費食材和食物。早前在第二集中擔任嘉賓的高海寧 (高ling) 和劉佩玥 (Moon) 就不認同有關指控。Moon說:「每一個節目都會有唔同嘅意見同迴響,我哋並無浪費食材,正如BB仔學寫字,我哋都唔會話佢哋浪費紙張,就算啲媽媽煮嘢食都係從錯誤中學習。我哋唔係去玩食物,而係有盡力去煮。」

高ling煮啲嘢食太好味被吃清晒。(吳子生攝)

Moon講返其實拍完節目後會有廚師和工作人員拎走食材再用來烹調,並不會浪費食物。高ling就表示:「我有食晒啲嘢㗎,以前有劏過魚,所以有經驗,我係用自己覺得最好嘅方法去煮。無人會想出醜,亦唔會特登去糟蹋食物,只係有時為營造節目效果將某啲嘢放大咗。」Moon同高ling原來都有先扑暈條魚才去劏,該集的另一嘉賓JW甚至不忍心扑暈條魚而去了祈禱,所以她們絕沒有殘忍虐待動物。Moon又謂無論食材貴或平都要珍惜食物。其實兩位靚女都已經好落力去煮,亦睇到她們並非在玩食物,就算煮得唔好味也不代表是想浪費食物。

高ling同Moon都話佢哋無浪費食物。(吳子生攝)

+7
+6
+5


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。