【中國新歌聲】謝霆鋒連切蔥都有節奏感 網友終於厭:甚麼都做飯

撰文:
最後更新日期:

內地選秀節目長做長有都大受歡迎,就好似《中國新歌聲》(前身:《中國好聲音》)已經開到到第三季,今集就玩全男班導師李健﹑周杰倫﹑庾澄慶﹑謝霆鋒PK,節目未播已經搞到大家好想睇。

今年全男班PK戰。(網上圖片)

距離節目播出唔到一個月時間(7月13日播),節目組就率先陸續公開導師的宣傳片,第一擊就率先播出謝霆鋒的預告,在廚房玩煮菜的他唔講唔知仲以為睇緊《鋒味》,不過見他連切蔥﹑攪蛋都有節奏感,畫面一跳就帶出他音樂頑童個性,在廚房大彈結他型到不得了,更講出自己對音樂的心得:「其實,唱歌沒甚麼奇不奇怪,正是為自己做一個突破,小小突破。從歌手﹑演員到廚師我從來都是認真的。」正正因為該宣傳片在廚房拍攝,搞到唔少網友都覺得咩都關廚房事認真搞笑「干啥都得扯上廚房」,睇嚟他已經是廚房的標籤了。

連切蔥﹑攪蛋都有節奏感,真心佩服。(網上圖片)

霆鋒已經是廚房標籤。(網上圖片)

成為史上最年輕的《中國新歌聲》導師,唔少人都好期待謝霆鋒的表現,片段中出現2000年的《活著Viva》歌曲,即使勾起唔少人回憶,久未出現音樂性節目的他,今次難得出山做導師好多人都好想再聽他的首本名曲,未播大家已經話坐定定等睇,睇嚟霆鋒的魅力真係沒法擋。

玩結他的謝霆鋒好型。(網上圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。