【深宮計】唐朝太平公主竟然有紙巾用 唔通又係植入廣告?

撰文:
最後更新日期:

有網民話太平公主拎住嘅係紙巾。

無綫重頭劇《宮心計2深宮計》已經播出了十多集,劇中的兩大陣營:李隆基 (馬浚偉飾) 同太子妃 (胡定欣飾) 對抗太平公主 (陳煒飾) 已經鬥到出面,劇情愈來愈緊湊。觀眾除了追故事之外,原來都好留心睇每場戲的細節,仲特別鍾意找出穿崩位。呢日就有網民cap了幾張太平公主的吐血圖,留言話原來唐朝已經有紙巾用,TVB好厲害。圖中的太平公主正吐住血,手上就拿住一張白色疑似紙巾的物體掩着嘴,網民就質疑她所拿的是紙巾。不過唐代就當然仲未有紙巾啦。

再睇清楚啲?

該劇的總監梅小青接受電話訪問時就親自解畫說:「梗係唔係紙巾啦,係絲質嘅絹手巾嚟,只不過摺到細細塊方形咁樣。呢啲絲質絹手巾係我哋特登訂造㗎,有幾款唔同嘅,有啲係純白色,有啲係繡咗花嘅。套劇入面有好幾個人都會吐血,胡定欣同周秀娜用嘅手巾係有繡花嘅,當中有故事。用白色係因為最能夠突出到吐血嘅畫面,條手巾摺幾大幾細都好講究,要因應吐出來嘅血點樣散開。所以我哋係絕對絕對唔可能用紙巾。」其實小青姐出名做事認真又高要求,又怎會犯這些低級錯誤呢。

小青姐親口證實劇中所用嘅都係絲質絹手巾嚟。

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。