【非分熟女】郭奕芯新戲全素顏上陣 怕嚇壞台灣視帝吳慷仁

撰文:賴家杰
出版:更新:

郭奕芯(Ashina)今日中午出席電影《非分熟女》開鏡拜神儀式,今次Ashina一角飾演街市妹,要以全素顏飾演拍攝,Ashina話:「因為導演要求我全素顏,加上今次穿著真係好街市裡面嘅𡃁妹。」而佢今次同台灣視帝吳慷仁有大量對手戲,Ashina笑言好希望對方唔好驚咗自己大大個黑眼圈嘅樣。

郭奕芯(Ashina)今日中午出席電影《非分熟女》開鏡拜神儀式。(陳順禎攝)

大家成日都會講,女明星化妝前同化妝後好大差別,但Ashina就無有怕,直言:「其實自己化妝前後樣貌都唔會好大差別,因為自己平時工作之外都只係化一個淡妝,不過素顏拍戲始終第一次。」

Ashina今次首度全素顏挑戰新角色。(陳順禎攝)

Ashina話今次角色係一個女強人,但現實中嘅佢又係唔係呢?Ashina就覺得自己唔多算係啦:「拍拖時候其實自己都好小朋友,但對於面對唔太熟悉嘅人自己都希望會堅強一啲。」不過Ashina依家都仲係單身,都嚮往每日有開心嘅日子,佢自己就唔會強調一定要搵一個有錢人,但一定要對佢好,就呢一點已經好困難。